Tagged with " youtube"
Posted under: 海洋公園 – 暑假最后一擊
海洋公園激流旅程
跳跳跳
轉下眼正正又話放完暑假,其實我都有D唔舍得
雖然佢係屋企就家無寧日,重成日比我打
但一想到佢一返學之后就由朝到晚都唔係度,
我又總係想陪佢玩多陣
見佢心思思成日話想去海洋公園,於是就去多一轉
我Night Off, 由媽媽帶佢出泥金鐘,可能我地無試過咁早出泥,多人到呢…
因為驚人太多,我們由大樹灣入,由正門走
今日由正正話事,佢話想玩好多水果個船
上次玩激流旅程已經係近一年前,估唔到佢仲記得
玩到成身濕曬,然后又坐左旋轉暸望塔
完本話去睇海豚,佢突然又話想睇飛機魚
食完午餐,我地就撘吊車落去兒童王國
我地坐左小火車,玩左射水槍,跳左四次彈床
我地仲爬左兩次假山,玩左兩次小蜜蜂
你話仲有咩野好得過隨心所欲想玩咩就玩咩…仲要玩到夠皮!
回程時正正眼訓到一上火車就不醒人事
我輕輕在正正的耳邊話:
正正,多謝你陪爸爸玩得咁開心!