我的單車

Please specify a Flickr ID for this gallery

之前同兩個小朋友講如果今年成績理想, 散學禮時可以上台領獎,爸爸媽媽就會送出特別禮物做獎勵。
琴日家長會派成績表,小朋友一年來既努力得到肯定,爸爸媽媽亦信守承諾,兩兄弟都得到單車一部!
經過之前多次單車被偷經驗, 本來已經冇再打算買車,不過近來踩多左幾次單車, 兩個小朋友又似乎幾鍾意踩。
加上一年泥佢地真係好比心機讀書,係好值得鼓勵, 所以買部好小小既車。
係網揾左一大輪資料,加上 Facebook 群組 上既師兄介紹下買左Dahon BYA661
Dahon 係大牌子,改裝性強,如果佢地以後有興趣,相信有大把野好改,
16吋車小朋友到大人都可以踩,收藏亦算方便,希望星期六日好天可以快D同佢地出去踩單車!

聯通3G月費咭 – 16元包600M流量

兩年前為左去上海世博買既 15元聯通3G月費咭既每月回赠已經到期!換句話講,如果仲打算繼續用張咭,每個月150M流量就要比45元,非常不划算,於是在淘寶店上花了108元買了另一張聯通3G咭,同上次既新勢力2G (跑3G!!) 咭唔一樣,呢個咭屬於真正的186號段,歸屬是廣東揭陽,不過我都唔知係深圳廣東打算係省內定省外, 除左600M全國流量之外,仲有50分鐘通話和440條短信,對於好似我呢種好日都唔番一次大陸,但番親去又要講電話又要不停上網既人泥講算係唔錯既選擇。

月費66元,扣除左每月回赠50元 (共10期) 之後即係16元一個月,連咭連盛計即 $108 + $16×10 = $268人仔,  即係$30港銀倒一個月,OK 啦。

前幾日去左深圳買野順便試下張咭,雖然已知會比之前既新勢力咭快,但估唔到真係好快!有圖有真相:

Please specify a Flickr ID for this gallery

我在深圳不同位置 (行駛中的深圳地鐵內,的士上,戶外路面,商場內)用 speedtest app 測試網絡速度, 最後一張係香港1010網絡既測試對照。配合之前係部 TP-Link 1043ND 上面安左既簡單 VPN, 係強國上FB 同 Twitter 都冇問題了.

 

 

The perfect chocolate chip cookies

Please specify a Flickr ID for this gallery

趁著佛誕假期和小朋友整曲奇餅,在 Flipboard Picks 中看到英國衛報介紹 How to Cook Perfect Chocolate Chip Cookies

材料和做法都非常簡單, 前一晚預備好面團,放在冰箱冷,第二天用cookies cutter 印出模樣, 180C 焗 15分鐘左右便可以了。

這個receipt 的 cookies  是比較有軟身和有趙頭, 除了 chocolate chip, 加入果仁相信效果也會很不錯。