孝順仔系列 之 媽媽過泥按摩
Posted under: 這一陣爸爸取代了爸爸為小朋友睡前按摩，一代骨精喆喆二少爺自然樂不可支，躺在床一大叫媽媽來替他按摩。
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
孝順仔故事系列 － 死人 爆炸
喆喆近來多了兩個形容詞：死人 爆炸
行兩步路回學校他會說：唉，累死人啦！
食兩啖飯佢又會說：哎，飽死人啦！
彈一陣琴就會話: 唉，彈死人啦！
晚上臨睡前問他：喆喆，你錫錫爸爸嗎？
哎，錫到你爆炸呀！
孝順仔系列 之 爸爸瞓地下
喆喆突然問我:
爸爸, 上次我地去游水果度叫咩名呀?
我話邊度游水呀?
呢, 一跳落去就係泳池果度呢
係咪三正呀?
係呀, 如果我地再去三正呢, 我就瞓係被入面, 你就瞓係床上面, 因為我唔想你瞓係地下, 我好驚D螞蟻會咬你呀!
我不禁心中一熱, 喆喆真係一個好愛錫家人的小小朋友. 到了晚上的故事時間, 我又再次和他分享我十分喜歡的故事書 – Guess How Much I Love You.
喆喆，爸爸媽媽知道你很愛我們，但爸爸媽媽更想你知道，we love you right up to the moon…..and back.
孝順仔系列之 － 喆喆好孝順
爸爸最近是越來越喜歡喆喆，他真是一個很懂事很細心的小朋友。
話說晚上喆喆突然說如果晚上有怪獸出現，哥哥不能保護他，說想要和媽媽睡覺。爸爸小人之心覺得他又想纏著媽媽，於是便說那爸爸陪你睡好了，讓媽媽陪哥哥睡吧，誰想喆喆又欣然答應。
睡覺時我和喆喆套親近說，喆喆，不如我們頭挨著頭睡吧？
過了一陣，喆喆說，爸爸，你的頭髮太短，刺得我痒痒的，不如我們手拉著手睡吧？ 於是我便拉著他的小手睡。
又過了一陣，喆喆問道，爸爸，你為什麼不蓋被單呢？
我說，不要緊，你蓋你的，我不冷
沒想到喆喆竟然將自己蓋的單人被挪過來蓋在我身上，一本正經的對我說：爸爸你不要冷著了
那一刻我心暖得要溶化, 謝謝你喆喆，你真是個好孝順的好孩子！
孝順仔故事系列 – 小意外
二月一日年初七。人日，合該有事。
大伯父一家來拜年，大家閒談吃年糕本來是賞心樂事，可惜正正是個人來瘋，一見大伯父便纏著不放瘋玩，從沙發上一躍而下，要人在半空中接著他。
爸爸在一旁邊看邊嚷：嘩好危險! 嘩好危險!
沒有半點勸阻的意思，反而有些欣賞的味道，到後來更拿出相機和大家拍照 (所以現在有案發現場的照片）。
可能是正正玩得太忘形了，當大伯父還抱著喆喆時他便跳下來，結果跌了個狗吃屎，下唇撞破了一道口子，鮮血嘩嘩的流了一口
正正自然是哭得呼天搶地, 爸爸媽媽連忙帶正正到醫院，給果上我們兩人再加上四個護士才能按得著正正來縫針。
正正哭了半天，流了點血，咀唇腫了一大片，人沒碰著就算是破財擋災吧。
孝順仔系列 – 借鬍鬚
晚上同喆喆沖涼，佢忽然指著姑姑同我講：爸爸, 呢個係膀胱泥架
噢，吾係，膀胱係上面Ｄ，係個肚裡面，你指著個個叫做睪丸
膀胱呢好似氣球咁，我地Ｄ尿係柯尿到膀胱裡面架
嘩你好犀利喎，邊個教你膀胱架？
係車老師囉．爸爸，咁睪丸做咩架？
等你大個仔時可以用泥生小朋友囉
爸爸哥哥喆喆都係男孩子都有睪丸
係呀
咁我大個左可吾可以生多一個喆喆出泥？
可以，到你生小朋友個陣爸爸就做爺爺囉
咁你可吾可以借Ｄ鬍鬚比我癡落姑姑度等我快Ｄ變大人呀？
孝順仔系列 – 陪媽媽睇醫生
媽媽琴睌一番到泥就覺得唔舒服, 好頭暈, 爸爸力勸之下才肯去睇醫生.
當時兩個小朋友已經完飯又係度睇電視, 我話:
嘩, 媽媽好唔舒服, 好需要一個好乖小朋友陪媽媽去睇醫生喎
兩隻野望實個電視, 完全冇反應, 我話:
如果想陪媽媽去睇醫生嘅小朋友請舉手!
佢地仍然望實個電視, 異(二)口同聲咁話:冇人
咁有冇小朋友剩係想係屋企睇電視嘅請舉手！
兩人馬上舉手, 喆喆仲要話:哥哥，我地一齊睇電視吾陪媽媽啦！