世博護照
Posted under: 今日下午在 Twitter 上看到明報有這篇世博護照成受歡迎商品的報導，大意如下：
聰明的你當然明白我會做咩，八本世博護照日內送到，到時同大家分享。
P.S
原來店主都係香港人，去左上海賣世博紀念品，世博護照都比你諗到，抵你發！
30 May 2010 更新：
BK 上有不少朋友問怎樣訂世博護照，就我所知網上有三家店鋪出售：
http://shop61249030.taobao.com/
我便是在這家訂購的，店主是香港人。
另外有一家世博商品官方旗舰店，除了世博護照外還有不少其它的世博紀念品，我有一些送給小朋友同學的紀念品都是直接在這裡買的，個人推薦证件挂带和世博特別版大富翁 (世博大亨棋），特別是世博特別版大富翁，非常大盒，原先大富翁中的街道店鋪變成世博會的場館，超讚！
不過我自己對這家店鋪的評價幾差，發貨超慢，CS 問十句答一句，仲寸你唔好成日崔佢！
大家要預多 D 時間訂貨。
最後一間都係網上 forum 介紹，不過好似因為供不應求，已暫時停止接受訂購世博護照，你話死未？
http://www.dowexpo.com/dw/web/index.htm
又，唔少人問點係淘寶訂野，唉，呢樣真係一言難盡，大家去呢個網睇睇啦，一次生兩次熟，連我都學得識，又有幾難？
收到世博的門票和導遊書
No photos available right now.
Please verify your settings, clear your RSS cache on the Slickr Flickr Admin page and check your Flickr feed
今天終於到在淘寶訂購的世博的門票和導遊書，
要好好計劃一不在上海的行程了!
Too good to be true – 聯通15元月費咭上3G包150M流量
因為五月打算去參觀上海世博會，認識我的人都知道我是個上少一陣網都會死的，所以一直都在尋找在上海時的上網方案。
之前見 twit 友 Tere 介紹的聯通 Unicom 3G ‘沃’ 數據咭 , 那是＄80元月費包1G流量的數據咭。
問題是這種data card 并沒有電話號碼，只可用來上網。 如果在內地時要用電話的話，只可配合 pocket wifi 使用。另外對我這種平時一個月只返一兩次大陸的人來說，＄80元一個月齋上網始終有㸃不合算。
於是在淘寶找呀找，果然找到這個：
聯通3G WCDMA包月資費套餐 送28個月 另50包500M/100包2G/200包5G
廣告內容十分灑狗血，感覺係信你一成雙目得失明
簡單講就係:
＄180元的聯通sim card包括了:
- 卡内包含直接到賬的100元余额
- 另外由10年2月份起每月赠送20元,连续送24个月,共计送480元
- 每月赠送150MB流量（不区分wap和net，可上WCDMA网络）
- 每月赠送300条短信，不区分网内网间
- 月租15元
- 主叫0.6元每分钟，接听0.4元每分钟
老實說，$15 包150M 3G流量?! 我起初也是不太相信，於是打電話問賣家，佢講到實牙實齒咁，話一定上到3G，仲話幾堅幾快！
既然係咁，信你!
三日後就收到張咭、連隨就去左深圳試機，結果如下：
你都唔好問我 點解2G咭都可以上到WCDMA，
我亦唔知係咪所有聯通2G咭都可以上到3G，
我只可以話呢張咭好適合我呢D平日唔多返大陸，唔多打電話但又想上3G網既人，
每月回赠 $20元已經足夠cover $15元既費用，多左果 $5仲可以加數據流量套餐！
因為五月去上海時需要用大量既數據，所以順手申請了 $50 / 500M的流量套餐，五月生效。
只希望到時張咭唔好比聯通cut左就好了！
華為 E5830 Pocket WiFi 購入
大家都知我是個上少陣網都會死既人。家陣用緊 iPhone 3GS 加 3 的無限 plan 已經算係好方便，基本上都唔需要用Pocket WiFi.
但隨著今年我都好可能會入手的 iPad 的推出，問題又變得有點複雜。3G版 iPad 相信都係會同電訊商捆綁 data plan 出售，
即使自行在 Apple Store 買現貨又即係要出多張 data sim 比佢用，而家我都已經用緊無限 plan ，一個人用兩張 data sim 我有D過唔到自己！
再加上一年中總會出幾次門，好似五月會去泰國同上海世博，年尾會去北京，每次出門幾部 devices (兩部iPhone， 一部MBP，遲D仲可能加埋部iPad)
要上網你都咪話唔煩! 結果都係出手購入.
市面上 PCCW 同 3HK 都有行貨出售，但前者要簽約加埋有 sim lock ，後者要近千四蚊 (連一張 data sim card) ，條數計唔掂，結果都係買水貨。
係拍賣網搵到賣家，水貨已解鎖保用一個月承惠$820大元，上旺角鋪頭取貨時已經先後有五人排隊幾部幾部咁等出貨，恐怕最近機價有上升空間。
使用上非常方便，插入我 iPhone 用的 sim 咭已經可以直接連接上網，另外賣家亦已經設定好香港澳門國內所有電訊商APN setting，
到內地或澳門時只需在 192.168.1.1 進入 admin pannel， 選擇相應的電訊商即可。
希望這個新玩具在五月份上海世博之旅時可以大派用場，下一步就是要在淘寶買張聯通的3G sim 咭。
上海世博自由行 – 世博門票篇
之前訂左去上海世博既機票同酒店，下一步自然係要訂世博門票。
原先的想法當然是去香港中旅社辦理，亦即係所謂既個人票。
後來在網上找資料時發現，其實買團體票進場比用個人票要好得多！
第一，團體票係用團體入口，理論上唔駛同其他持個人票既散客迫埋一齊！
第二，更重要既係，團體票最最最大的好處係可以預先預約參觀場館！！
大家都知道好多展館都要預約先可以 (排隊) 參觀！
好似係人都想參觀既中國館，你想參觀就要一入場就仆去預約機度book，大會九點開門，你估D國內同胞會幾點企係門口等安檢等入場？
我拖男帶女就真係好難同佢地比併！
如果用團體票既話, 旅行社已經事先經有關方面預約左熱門場館，雖然唔一定可以預約到中國館 ，但起碼都有機會嘛，至少排少次隊先啦。
但係我得五丁友，明明話係自由行，點買團體票呢？
我搵到兩個方法：
上海中旅
上海中旅社有上海世博会一日游，170元一人，散客拼团，15人发团
為左佢我仲特別打左好幾次電話去上海，可能係時間尚早，我想去參觀果兩日當時仲未成到團，佢就叫我報左先再等通知。
但係如果我一家大細去到上海時佢都仲唔夠人成團，咁就好大鑊，加上佢又唔可以網上支付，又要用內地銀行account 過數，殘念。
Anyway, 不過真係要讚一讚上海中旅既尹小姐，做事交帶認真，如果大家有需要可以搵佢幫手。
Foina Yin 尹晓艳
Executive Travel Dept.
Shanghai China Travel Int’l Ltd.
Tel: 0086-21-62994906
Fax: 0086-21-62476390
Email: yinxy@ctish.cn
淘寶網
另一方法就係搵上海本地既旅行社，我係淘寶搵到一家上海本地旅行社專門出售呢種 “世博直通车”（即一日游) 既門票。
簡單講就係：
世博实物门票 ＋ 旅遊車送到去世博園門口 ＋ 优先团队通道入园 ＋ 预约一个热门场馆 ＋ 赠意外险一份 ＋ 导游指点服务 (注意係导游指点，唔係导游服务)，即係入埸前教下你點玩。
我買既係平日非周末含车送，大小同價$150一位 (人仔），120cm 以下小童可免费随车搭乘入园（不占座），并随团队优先入口一同入世博园参观。
同而家香港中旅賣緊既個人票 ＄178 一位 (港幣）價錢上分別唔大。 不過香港中旅有長者同學生小童門票賣，＄107 一位 (港幣）。
咁仲駛諗，一於去淘寶買啦！
咪住，最令人唔放心係呢間旅行社賣既係预约券，要入園參觀前提前10日係網上或电话预约入园日期等信息，然後去四個指定既地點上車 (亦可以係指定既園區入口等）入园当日导游帮你將预约券换成实物票。
始終世博五月一日至開，到時間旅行社會唔會走數呢？我就真係答唔到你，佢地話已經成立左十年有多，有旅游经营许可证号，亦係淘宝旅游商城既銷售冠軍。
因為我打算去睇兩日，所以已經訂左8張预约券 (細仔未足夠120cm，唔駛買門票）。
不過點都好，我就唔打算post 個 link 出泥，你自己上淘寶搵，自己睇清楚信唔信得過。免費事你話我造馬。
我順手仲係淘寶另外一間書店買左幾本世博导游書，下次再同大家分享。
26 May 2010 更新
大家好！我們回來了，有了親身經驗，可以客觀點和大家分享。
我們的團體票是從淘寶的上海尊尊旅遊專賣店買的，我自己的經驗是該店安排頗為混亂，亦不能對現當初購票時的承諾。
我不建議大家光顧，亦不建議大家購買團體票。為免偏頗大家亦可看看其他客人對應該店的評價。
上海世博自由行 – 機票酒店篇
還記得08年北京奧運前爸爸還起哄說要和一家人去睇奧運。
後來大家都傳言奧運期間酒店房價比平時要高出十幾倍！冇關係的人跟本買不到飛機票
後來又有人話開幕式夜晚七點開始，觀眾三四㸃就要排隊入場，散場後又要等安排先走得，隨時半夜先返到酒店….
到最後當然大家都係屋企睇左開幕式….
我真係好後悔沒同小朋友去北京，世人就一次。 錯過了就真係錯過左。
於是就有了這次的上海世博自由行。
唔係冇想過參加旅行團, 畢竟帶著一家大細出門到處跑唔係講玩。
其實小朋友學校也安排了遊學團，可惜不是住在浦東區，出入世博園區，晚上和朋友見面不大方便。
旅行團方面，三月份時只有中旅和永安有世博團，其實中旅只算是 package 包三天門票，
永安又只去一天世博，我又怕一日連行都行唔完個會場，又要自行離團再去，好煩！
於是把心一橫，自己去！
格左幾間價，其實香港上海好多機，不過可能世博關係，跟本搵唔到平既 group ticket，老婆又唔放心一家大細深圳飛上海 (大約四五佰人仔)，
最後book 左港龍下午三點機去，夜晚七點幾機番，大人連稅二千三左右，小朋友平小小，都要二千頭。
酒店方面，當然希望近浦東，但係因為一行人三大兩細，又有老人家，加上上次去北京住酒店式公寓 (Service Apartment) 的經驗好好，今次我地都係住公寓。
在網上揾呀揾，總算搵到呢間：
浦東柏雅居服務公寓
地點唔錯，係浦東區，十分鐘內可行到地鐵四號線浦電路站 世紀大道站。
有圖有真相：
View Belgravia Serviced Residence in a larger map
最最緊要係價錢，千六呎三房兩浴室只係九百幾 (人仔，下同)，好過五個人分開住兩間四百幾一晚的三星酒店房好多！
房間係直接同酒店訂，去到先比錢，我都知其它 agent 可以仲平D，不過要即比，取消要扣錢，針冇兩頭利囉。
煩完機票酒店，又要煩世博既門票，唉！