世博自由行經驗分享
Posted under: 如果你有外國朋友泥香港shopping, 你會唔會叫佢上午行哂上環到銅鑼灣既名店，下午再殺埋尖沙咀至旺角既店鋪仔呢？
Be realistic, 一日係行唔哂世博既，如果你好精力充沛唔介意不停排隊同行路，兩日都會好趕，三日既行程係會比較理想。
我地一家五口，兩大, 兩細 (七歲 , 五歲) 再加上嫲嫲係五月中去左兩日世博園區，以下係小小經驗同大家分享，
Disclaimer
1. 我地五月去果時係咁, 唔等於你去果時都係咁，緊記，一切只供參考。
2. 始終我地又有小朋友又有老人家, 佢地既體力同我既忍耐能力真係低到你估唔到, 相信你地可以早D起身出發, 玩得夜D先番酒店, 排隊可以排得耐D, 食飯又食得快D, 最緊要係望見到果條人龍仲有勇氣排落去! (我就係見到條人龍已經萬念俱灰, 映下相算數) 所以，緊記，一切只供參考。
FAQ – 我知你一定會問，所以答定先：
- 係！真係好多人。
- 冇，我地去唔到中國館，預約唔到。係，團體票唔係包生仔一家去到中國館既。
- 我地去左育樂灣，可口可樂館， 日本產業館，韓國企業聯合館，漢堡案例館，羅阿案例館，瑞士館，西班牙館，丹麥館，非洲聯合館，中國館＊
- 我地係向在淘寶既尊尊旅行社訂既團體票，經過今次的經驗，我唔會推薦呢間旅行社，亦唔覺得買團體票有好大的優勢。
- 我覺得好值得去，特別係同小朋友去見識吓，真係值得。真心既，你唔信我都冇辦法。
[youtube]http://www.youtube.com/watch?v=cz314rfRGj8[/youtube]
真係好值得去，真係好好玩！
人啊！人
係，真係好多人！
我去果兩日據官方公報既入場人數係 290,600 (19-5-10) 同 328,500 (21-5-10)。
我已經覺得係人山人海，浦東區幾乎所有場館少則排45分鐘，熱門場館要排成兩個鐘以上！
如果去到暑假好似官方預期每日有超過四十萬人入場的話，排隊時間可能會更長，大家一定要有（中暑既）準備。
交通
世博的士是係你既好朋友，出入園區最好都係坐的士。又大又新淨, 後面又有大行李箱，我回程時去機場都係叫世博的士。
原先問話只可坐四人，小童都當大人計，搞到我都好頭赤, 點知去到上海后又話坐五個人冇問題。(可能係小朋友關係）。
Anyway, 大家都係自己問清楚，而且五個大坐人又真係有少少迫。
出發前可以事先至電 96822 call定車到酒店接你，世博的士可以直接去到園區入口, 比地鐵要方便得多。
回程時call 車都冇用，因為人太多，司機根本搵唔到你，幸好浦東區6 7號 (對唔住，之前寫錯左，係7號出口，sorry sorry) 出入口，浦西區1，3 號出入口有的士站，唔駛call 車，去到排隊就得。
如果大家打算地鐵出入，不妨買定張上海公交咭，好似八達通咁，二十元按金當買個記念品囉，我 21/5 因為落雨去唔到 6 7 號出入口搭的士，又唔夠內地同胞勇猛搶唔到的士，唯有同幾百人迫係耀華路地鐵站搭地鐵番酒店，結果淨係排隊買地鐵飛都排左近30分鐘！真係灰爆。仲有，請預備足夠硬幣散子, 排到去部機度佢先話冇哂散子唱所以只收硬幣, 你係會想自焚既.
世博護照
如果大家有興趣買本世博護照在展館中蓋章的話，請出發前在網上預訂好，我在園區被人問得最多的問題係：
“請問你本世博護照邊度買？”
“你可唔可以賣本比我呀唔該！”
園區內係買唔到世博護照架，I repeat,
園區內係買唔到世博護照架!
天氣
21/5 日既天氣係：
上午：小雨, 18度 左右，有D涼
中午：好猛太陽，好熱
晚上：落狗屎，好涼
OK, 你知你要帶咩啦！
個人推薦吉之島十蚊店雨衣，有唔同size，有藍白兩色，大風當風褸都頂到下，據網友講園區內雨傘賣80一把, 小心。
*我地真係冇去到中國館參觀，不過有個有心人放左我入去蓋章，在此再三感謝有心人。
打住咁多先，真係打得好辛苦! 跟住同大分享園區內既飲飲食食.
兒童節
今天是四月四日兒童節，平時也就隨便過了，碰巧連續好幾假期，前兩天天氣又不好，一直都沒怎麼出去。
今天怎麼說也要帶小朋友出去放風箏。
一場來到大埔，首先當然是先到洪記吃魚蛋粉，邊吃正正便說肚子痛，吃完粉正準備出發去海濱公園，正正更是痛得直不起腰來，連忙到藥房買成藥。
到最后媽媽只好陪正正坐的士回家休息，爸爸則陪喆喆去海濱公園放風箏。
因為之前幾天都下著小雨，公園放風箏的大草坪上只得我們幾個，和上星期的情況可謂天淵之別。
風不算大，不過今次買的風箏也算好放，很快爸爸便將兩隻風箏都放上天空，惟是喆喆對放風箏不太熱衷，只放了一陣便可玩可不玩的樣子。
喆喆表示其實他更想玩吹泡泡波
得知哥哥沒有什麼大礙，我們又買了吹泡泡波和喆喆玩，又順道拍些照片
回到家中已是下午兩點多，隨便吃了些下午茶小點心，又要和喆喆預備明天的普通話比賽。
晚上我們又去了帝都的 1＋1 吃燒烤自助餐，百多元一位的自助晚餐自然不期望會有什麼驚喜，兒童節，大家找個籍口吃一頓罷了。
晚上爸爸又獻媚地問喆喆：
爸爸今日帶你去放紙妖好唔好玩呀？
一D都唔好玩，我以後都唔去啦
爸爸今日陪你吹泡泡波好唔好玩呀？
有DD好玩啦
今日食自助餐好唔好食呀？
一D都唔好食，咁小野食，下次我地要上去上面獎（即2+2) 食先得
[youtube]http://www.youtube.com/watch?v=WNsd6vplvOk[/youtube] [youtube]http://www.youtube.com/watch?v=dk1FWLkVs_w[/youtube] [youtube]http://www.youtube.com/watch?v=uUtK5dcU5Wo[/youtube]
正正七歲生日會
今天是農曆初八，明天便是正正的農曆生日了。
趁著今天一家人都去了叔叔的新居慶祝新年，我們便在叔叔家中為正正開生日會！
正正還好意思說：我上年的生日也是在叔叔家中過的哩！
如何大家善忘的話大概是這樣的：
2009年大年初三大伯父來拜年，和兩個百壓星玩跳沙發玩得太顛，結果正正要去醫院連了三針
案件重現可看這裡
爸爸生日得到神秘禮物
今年爸爸生日一家人和姑姐姑丈去了沙田的河夢吃飯，
生日飯乏善可陳，惟是今年收到一份很特別的生日禮物
希望爸爸不要這麼快便可享用喆喆的心意
[youtube]http://www.youtube.com/watch?v=IZW_5clKDQU[/youtube]
[youtube]http://www.youtube.com/watch?v=tyI-Tc2j9-I[/youtube]
孝順仔系列之 － 喆喆好孝順
爸爸最近是越來越喜歡喆喆，他真是一個很懂事很細心的小朋友。
話說晚上喆喆突然說如果晚上有怪獸出現，哥哥不能保護他，說想要和媽媽睡覺。爸爸小人之心覺得他又想纏著媽媽，於是便說那爸爸陪你睡好了，讓媽媽陪哥哥睡吧，誰想喆喆又欣然答應。
睡覺時我和喆喆套親近說，喆喆，不如我們頭挨著頭睡吧？
過了一陣，喆喆說，爸爸，你的頭髮太短，刺得我痒痒的，不如我們手拉著手睡吧？ 於是我便拉著他的小手睡。
又過了一陣，喆喆問道，爸爸，你為什麼不蓋被單呢？
我說，不要緊，你蓋你的，我不冷
沒想到喆喆竟然將自己蓋的單人被挪過來蓋在我身上，一本正經的對我說：爸爸你不要冷著了
那一刻我心暖得要溶化, 謝謝你喆喆，你真是個好孝順的好孩子！
暑假大旅行 – 第二日 – 祈福新村
撘九點鐘粵港的直通巴士到祈福, 感覺比上次撘永東的好得多.
下午十二點左右到祈福, 喆喆一早係車道訓左無事, 正正就嘔到九彩, 好彩帶左好多嘔袋.
打電話比崎峰, 佢話姐姐重執緊屋, 要兩點至可以交屋, 於是我地只好就近係祈福軒食午飯, 正正喆喆就去左玩波波池.
兩點幾終於到左間屋, 好大, 不過略為殘舊, 自己有少少失望, 不過小朋友就開心到走泥走去.
四點幾再次去會所泳池游水, 大家都玩得好開心. 晚飯到食街的順德小炒皇, D 宋好食到呢..如果今晚要夜車番香港, 就因為食左呢餐飯, 我覺得都值, 今日都唔算日行一趟!
嫲嫲.喆喆.爸爸.游水
今個星期爸爸番14:00 至 22:00, 最高興是可以送哥哥番學然后又可以陪喆喆玩,到喆喆要午睡爸爸正好要番工了. 數數手指, 喆喆還有大半個月就要上學了, 還有太多太多的地方沒有陪他去. 以前哥哥上幼兒園前每天都是不停的玩呀食呀..其實我想帶喆喆去看新熊貓,食自助餐,去香港公園…不過天氣實在熱,游水還不錯, 喆喆玩得很高興.