滿城爭購上河圖

今日大家都有一個共既任務, 因為大家見琴日鬼咁多人排隊買電子動態版《清明上河圖》D 飛, 咩都慌死會執輸既香港人如我地當然係一手打電話一手上網不停咁reload 又 reload 已經比香港人chur 爆左既城市電腦售票網.

我試左一輪已經放棄, 好在老婆個同事夠雷氣, 千辛萬苦幫我地買左五張十一月十九號八點場,  真係大恩大德, 請受小弟一拜!

浦東柏雅居服務公寓

今次入住的是浦東區的浦東柏雅居服務公寓,我們訂的是一千六呎的三房單位,五個人住得非常鬆動舒適。

房間可直接至電酒店預訂,好處是可入住時才付款,其它 agent 可能會有更好的 offer,不過 No Show 的話會有罰款。

酒店離地鐵 4, 6, 9 號線 (世紀大道站)約七、八分鐘步程,出入尚算方便,惟酒店位於內街,的士司機不一定認識,

大家只需請司機去東方路 瑞吉紅塔大酒店  (The St. Regis Shanghai) , 這家大酒店所有上海司機都認識的,然後沿向城路第一個路口左轉便到了。
View Belgravia Serviced Residence in a larger map

房間乾淨企理,當然說不上很豪華,一家大細住,我們已是非常滿意。

酒店七點起開始供應早餐,好像是三十元一位,如果你一早要去世博園區的話可能來不及在酒店吃早餐了。

附近有二十四小時營業的便利店,再遠一點有永和豆漿和老麥。晚飯附近亦有很多不同的選擇,但我上海的朋友不建議去蘇浙匯

房內有有線上網服務 (即是只得一個port 位連接一部電腦),收費為五十元一天。我之前購入的聯通 3G sim cardpocket Wi Fi 總算大派用場。

最後一提, 便利店傍便是和中堂,行世博行到腳斷可以去做個腳底按摩舒緩一下, 營業至零晨二時。

還是老話,有圖有真相:

Please specify a Flickr ID for this gallery

世博自由行經驗分享

如果你有外國朋友泥香港shopping, 你會唔會叫佢上午行哂上環到銅鑼灣既名店,下午再殺埋尖沙咀至旺角既店鋪仔呢?

Be realistic, 一日係行唔哂世博既,如果你好精力充沛唔介意不停排隊同行路,兩日都會好趕,三日既行程係會比較理想。

我地一家五口,兩大, 兩細 (七歲 , 五歲) 再加上嫲嫲係五月中去左兩日世博園區,以下係小小經驗同大家分享,

Disclaimer

1.  我地五月去果時係咁, 唔等於你去果時都係咁,緊記,一切只供參考。

2. 始終我地又有小朋友又有老人家, 佢地既體力同我既忍耐能力真係低到你估唔到, 相信你地可以早D起身出發, 玩得夜D先番酒店, 排隊可以排得耐D, 食飯又食得快D, 最緊要係望見到果條人龍仲有勇氣排落去! (我就係見到條人龍已經萬念俱灰, 映下相算數) 所以,緊記,一切只供參考。

FAQ – 我知你一定會問,所以答定先:

  1. 係!真係好多人。
  2. 冇,我地去唔到中國館,預約唔到。係,團體票唔係包生仔一家去到中國館既。
  3. 我地去左育樂灣,可口可樂館, 日本產業館,韓國企業聯合館,漢堡案例館,羅阿案例館,瑞士館,西班牙館,丹麥館,非洲聯合館,中國館*
  4. 我地係向在淘寶既尊尊旅行社訂既團體票,經過今次的經驗,我唔會推薦呢間旅行社,亦唔覺得買團體票有好大的優勢。
  5. 我覺得好值得去,特別係同小朋友去見識吓,真係值得。真心既,你唔信我都冇辦法。

[youtube]http://www.youtube.com/watch?v=cz314rfRGj8[/youtube]

真係好值得去,真係好好玩!

人啊!人

係,真係好多人!

Please specify a Flickr ID for this gallery

我去果兩日據官方公報既入場人數係 290,600 (19-5-10) 同 328,500 (21-5-10)。

我已經覺得係人山人海,浦東區幾乎所有場館少則排45分鐘,熱門場館要排成兩個鐘以上!

如果去到暑假好似官方預期每日有超過四十萬人入場的話,排隊時間可能會更長,大家一定要有(中暑既)準備。

交通

世博的士是係你既好朋友,出入園區最好都係坐的士。又大又新淨, 後面又有大行李箱,我回程時去機場都係叫世博的士。

原先問話只可坐四人,小童都當大人計,搞到我都好頭赤, 點知去到上海后又話坐五個人冇問題。(可能係小朋友關係)。

Anyway,  大家都係自己問清楚,而且五個大坐人又真係有少少迫。

出發前可以事先至電 96822 call定車到酒店接你,世博的士可以直接去到園區入口, 比地鐵要方便得多。

回程時call 車都冇用,因為人太多,司機根本搵唔到你,幸好浦東區6 7號 (對唔住,之前寫錯左,係7號出口,sorry sorry) 出入口,浦西區1,3 號出入口有的士站,唔駛call 車,去到排隊就得。

如果大家打算地鐵出入,不妨買定張上海公交咭,好似八達通咁,二十元按金當買個記念品囉,我 21/5 因為落雨去唔到 6 7 號出入口搭的士,又唔夠內地同胞勇猛搶唔到的士,唯有同幾百人迫係耀華路地鐵站搭地鐵番酒店,結果淨係排隊買地鐵飛都排左近30分鐘!真係灰爆。仲有,請預備足夠硬幣散子, 排到去部機度佢先話冇哂散子唱所以只收硬幣, 你係會想自焚既.

世博護照

如果大家有興趣買本世博護照在展館中蓋章的話,請出發前在網上預訂好,我在園區被人問得最多的問題係:

“請問你本世博護照邊度買?”

“你可唔可以賣本比我呀唔該!”

園區內係買唔到世博護照架,I repeat,

園區內係買唔到世博護照架!

天氣

21/5 日既天氣係:

上午:小雨,  18度 左右,有D涼

中午:好猛太陽,好熱

晚上:落狗屎,好涼

OK, 你知你要帶咩啦!

個人推薦吉之島十蚊店雨衣,有唔同size,有藍白兩色,大風當風褸都頂到下,據網友講園區內雨傘賣80一把, 小心。

*我地真係冇去到中國館參觀,不過有個有心人放左我入去蓋章,在此再三感謝有心人。

打住咁多先,真係打得好辛苦! 跟住同大分享園區內既飲飲食食.

世博護照

今日下午在 Twitter 上看到明報有這篇世博護照成受歡迎商品的報導,大意如下:

上海世博會正式開園第二天,在園區內的紀念品商店,30元一本的「世博護照」是最受歡迎的商品之一。
上午10時45分左右,亞洲聯合館對面的世博特許紀念品商店就已經貼出通知:「世博護照已售完」。
但遊客們還是不斷地湧過來詢問工作人員哪裏可以買到「世博護照」。
工作人員耐心地解釋說:「到旗艦店或者其他的特許紀念品店去看看吧,我們一大早就把500本護照賣完了。」
在特許紀念品旗艦店,四種版本的「世博護照」在熱賣,其中包括黃色封皮的兒童版,以及封皮分別為瑪瑙紅、橄欖綠和寶石藍的三款標準版。
標準版世博護照50頁左右,封皮上印有「中國2010年上海世博會護照」字樣,內有10位編碼的護照號。
作為世博會的傳統互動型紀念品——「世博護照」一直廣受參觀者歡迎。
在歷屆世博會上,各參展國家與國際組織均會準備一枚代表各自文化特色的世博紀念印章,
而「世博護照」則是收集這些紀念印戳的指定載體。

聰明的你當然明白我會做咩,八本世博護照日內送到,到時同大家分享。

P.S

原來店主都係香港人,去左上海賣世博紀念品,世博護照都比你諗到,抵你發!

30 May 2010 更新:

BK 上有不少朋友問怎樣訂世博護照,就我所知網上有三家店鋪出售:

http://shop61249030.taobao.com/

我便是在這家訂購的,店主是香港人。

另外有一家世博商品官方旗舰店,除了世博護照外還有不少其它的世博紀念品,我有一些送給小朋友同學的紀念品都是直接在這裡買的,個人推薦证件挂带和世博特別版大富翁 (世博大亨棋),特別是世博特別版大富翁,非常大盒,原先大富翁中的街道店鋪變成世博會的場館,超讚!

世博证件挂带

世博特別版大富翁 (世博大亨棋)

世博商品官方旗舰店

不過我自己對這家店鋪的評價幾差,發貨超慢,CS 問十句答一句,仲寸你唔好成日崔佢!

大家要預多 D 時間訂貨。

最後一間都係網上 forum 介紹,不過好似因為供不應求,已暫時停止接受訂購世博護照,你話死未?

http://www.dowexpo.com/dw/web/index.htm

又,唔少人問點係淘寶訂野,唉,呢樣真係一言難盡,大家去呢個網睇睇啦,一次生兩次熟,連我都學得識,又有幾難?

香港人淘寶網小貼士

Too good to be true – 聯通15元月費咭上3G包150M流量

因為五月打算去參觀上海世博會,認識我的人都知道我是個上少一陣網都會死的,所以一直都在尋找在上海時的上網方案。

之前見 twit 友 Tere 介紹的聯通 Unicom 3G ‘沃’ 數據咭 , 那是$80元月費包1G流量的數據咭。

問題是這種data card 并沒有電話號碼,只可用來上網。 如果在內地時要用電話的話,只可配合 pocket wifi 使用。另外對我這種平時一個月只返一兩次大陸的人來說,$80元一個月齋上網始終有㸃不合算。

於是在淘寶找呀找,果然找到這個:
聯通3G WCDMA包月資費套餐 送28個月 另50包500M/100包2G/200包5G

廣告內容十分灑狗血,感覺係信你一成雙目得失明
簡單講就係:

$180元的聯通sim card包括了:

  • 卡内包含直接到賬的100元余额
  • 另外由10年2月份起每月赠送20元,连续送24个月,共计送480元
  • 每月赠送150MB流量(不区分wap和net,可上WCDMA网络)
  • 每月赠送300条短信,不区分网内网间
  • 月租15元
  • 主叫0.6元每分钟,接听0.4元每分钟

老實說,$15 包150M 3G流量?! 我起初也是不太相信,於是打電話問賣家,佢講到實牙實齒咁,話一定上到3G,仲話幾堅幾快!

既然係咁,信你!

三日後就收到張咭、連隨就去左深圳試機,結果如下:

Please specify a Flickr ID for this gallery

你都唔好問我 點解2G咭都可以上到WCDMA,
我亦唔知係咪所有聯通2G咭都可以上到3G,

我只可以話呢張咭好適合我呢D平日唔多返大陸,唔多打電話但又想上3G網既人,
每月回赠 $20元已經足夠cover $15元既費用,多左果 $5仲可以加數據流量套餐!
因為五月去上海時需要用大量既數據,所以順手申請了 $50 / 500M的流量套餐,五月生效。

只希望到時張咭唔好比聯通cut左就好了!

華為 E5830 Pocket WiFi 購入

5830

大家都知我是個上少陣網都會死既人。家陣用緊 iPhone 3GS 加 3 的無限 plan 已經算係好方便,基本上都唔需要用Pocket WiFi.

但隨著今年我都好可能會入手的 iPad 的推出,問題又變得有點複雜。3G版 iPad 相信都係會同電訊商捆綁 data plan 出售,
即使自行在 Apple Store 買現貨又即係要出多張 data sim 比佢用,而家我都已經用緊無限 plan ,一個人用兩張 data sim 我有D過唔到自己!

再加上一年中總會出幾次門,好似五月會去泰國同上海世博,年尾會去北京,每次出門幾部 devices (兩部iPhone, 一部MBP,遲D仲可能加埋部iPad)
要上網你都咪話唔煩! 結果都係出手購入.

市面上 PCCW3HK 都有行貨出售,但前者要簽約加埋有 sim lock ,後者要近千四蚊 (連一張 data sim card) ,條數計唔掂,結果都係買水貨。

係拍賣網搵到賣家,水貨已解鎖保用一個月承惠$820大元,上旺角鋪頭取貨時已經先後有五人排隊幾部幾部咁等出貨,恐怕最近機價有上升空間。

使用上非常方便,插入我 iPhone 用的 sim 咭已經可以直接連接上網,另外賣家亦已經設定好香港澳門國內所有電訊商APN setting,
到內地或澳門時只需在 192.168.1.1 進入 admin pannel, 選擇相應的電訊商即可。

希望這個新玩具在五月份上海世博之旅時可以大派用場,下一步就是要在淘寶買張聯通的3G sim 咭

上海世博自由行 – 世博門票篇

之前訂左去上海世博既機票同酒店,下一步自然係要訂世博門票。
原先的想法當然是去香港中旅社辦理,亦即係所謂既個人票。
後來在網上找資料時發現,其實買團體票進場比用個人票要好得多!
第一,團體票係用團體入口,理論上唔駛同其他持個人票既散客迫埋一齊!
第二,更重要既係,團體票最最最大的好處係可以預先預約參觀場館!!

大家都知道好多展館都要預約先可以 (排隊) 參觀!
好似係人都想參觀既中國館,你想參觀就要一入場就仆去預約機度book,大會九點開門,你估D國內同胞會幾點企係門口等安檢等入場?
我拖男帶女就真係好難同佢地比併!
如果用團體票既話, 旅行社已經事先經有關方面預約左熱門場館,雖然唔一定可以預約到中國館 ,但起碼都有機會嘛,至少排少次隊先啦。

但係我得五丁友,明明話係自由行,點買團體票呢?
我搵到兩個方法:

上海中旅
上海中旅社有上海世博会一日游,170元一人,散客拼团,15人发团
為左佢我仲特別打左好幾次電話去上海,可能係時間尚早,我想去參觀果兩日當時仲未成到團,佢就叫我報左先再等通知。
但係如果我一家大細去到上海時佢都仲唔夠人成團,咁就好大鑊,加上佢又唔可以網上支付,又要用內地銀行account 過數,殘念。
Anyway, 不過真係要讚一讚上海中旅既尹小姐,做事交帶認真,如果大家有需要可以搵佢幫手。

Foina Yin 尹晓艳
Executive Travel Dept.
Shanghai China Travel Int’l Ltd.
Tel: 0086-21-62994906
Fax: 0086-21-62476390
Email: yinxy@ctish.cn

淘寶網
另一方法就係搵上海本地既旅行社,我係淘寶搵到一家上海本地旅行社專門出售呢種 “世博直通车”(即一日游) 既門票。
簡單講就係:
世博实物门票 + 旅遊車送到去世博園門口 + 优先团队通道入园 + 预约一个热门场馆 + 赠意外险一份 + 导游指点服务 (注意係导游指点,唔係导游服务),即係入埸前教下你點玩。
我買既係平日非周末含车送,大小同價$150一位 (人仔),120cm 以下小童可免费随车搭乘入园(不占座),并随团队优先入口一同入世博园参观。
同而家香港中旅賣緊既個人票 $178 一位 (港幣)價錢上分別唔大。 不過香港中旅有長者同學生小童門票賣,$107 一位 (港幣)。

咁仲駛諗,一於去淘寶買啦!

咪住,最令人唔放心係呢間旅行社賣既係预约券,要入園參觀前提前10日係網上或电话预约入园日期等信息,然後去四個指定既地點上車 (亦可以係指定既園區入口等)入园当日导游帮你將预约券换成实物票。
始終世博五月一日至開,到時間旅行社會唔會走數呢?我就真係答唔到你,佢地話已經成立左十年有多,有旅游经营许可证号,亦係淘宝旅游商城既銷售冠軍。
因為我打算去睇兩日,所以已經訂左8張预约券 (細仔未足夠120cm,唔駛買門票)。
不過點都好,我就唔打算post 個 link 出泥,你自己上淘寶搵,自己睇清楚信唔信得過。免費事你話我造馬。

我順手仲係淘寶另外一間書店買左幾本世博导游書,下次再同大家分享。


26 May 2010 更新

大家好!我們回來了,有了親身經驗,可以客觀點和大家分享。
我們的團體票是從淘寶的上海尊尊旅遊專賣店買的,我自己的經驗是該店安排頗為混亂,亦不能對現當初購票時的承諾。
我不建議大家光顧,亦不建議大家購買團體票。為免偏頗大家亦可看看其他客人對應該店的評價