完美的一天
Posted under: 
經過四天的假期, 正正已經玩到樂不思蜀. 星期四晚上又開始試探地問我:
爸爸, 聽日我地去邊道玩呀?
去禾輋救世軍幼兒園玩囉..
唔好呀我想同你撘西鐵
星期二咪撘左囉
不過嫲嫲喆喆未撘過嘛, 我可以帶佢地睇西鐵車站嘛..
不過聽日要番學架
你同我請假咪得囉
你今日去德福廣場時咁曳, 點解我仲要帶你去玩先?
…….. 正正無語
除非你講到兩樣野你係好乖, 如果唔係聽日就番學啦!
講完我都好后悔, 實在太荒繆啦, 乖就爸爸幫手逃學, 曳就懲罰佢等佢番學上堂? 咩野世界呀而家?
正正想了一會兒便提出了一些似是而非的乖事例, 都一一比我 reject
於是正正又提出新的建議:
不如咁啦, 如果T1 (一號風球)就番學, 如果T3 (三號風球)就放假啦
正正可能想放假想到癲了, 颱風才剛剛登陸, 怎可能又有掛風球?
跟著的事情大家都知道了, 原來除了孝感動天之外, 懶都可以動天的! 已登陸的颱風為了正正又折返香港, 星期五早上已掛起三號風球, 到了下午更改掛八號風球, 連媽媽都可以提早回來!
橫風橫雨, 最好的節目當然是最無聊的行商場
我們一行人先到奧海城, 正正當然要看一下奧運站, 喆喆就好有興趣睇人打真正的保齡球, 然后兩兄弟在冒險樂園玩到癲, 之后再轉戰朗豪坊, 爸爸原本想和正正吃鐵板牛扒, 但一見有 Mos Burger , 大家就吃了一頓美味的漢堡包和熱狗做午餐.
晚上的節目一樣豐富, 我們再一次!! 去 Ruby Tuesday 吃 Ribs !!! 然后去看五星級大鼠電影, 散場時天文台剛好改掛三號風球! 這個半天的假期好像特別為正正而設似的..
臨訓前我問正正今天好唔好玩? 他說, 好好玩, 好似特別遊戲日一樣咁好玩!
五日的假期就這樣過去了, 好辛苦, 亦好開心.
然后我就想, 如果有人同我講, 佢應許一個特別遊戲日比我 – 我鐘意去邊就去邊, 我鐘意食咩就食咩, 我鐘意點玩就點玩, 佢都會陪住我, 只要我開心就得…咁我會點呢?
我真係好認真咁想左好一陣
最后, 我想我最想同正正喆喆行下街, 食牛扒, 排骨頭, 炸薯條, 好大杯雪糕..如果再可以睇場卡通片就最正啦!
多謝正正喆喆, 零七年暑假, 我過得好開心!
- 如果你喜歡這篇文章，相信你也會喜歡:
- 奧比斯童看花花世界嘉年華表演 .flickr-photo { border: solid...
- 蛙蛙樂園 Night off 回來,本來還想帶正正和喆喆去一轉文化博物館 可惜實在太累了,喆喆又曳,行左一輪L4已經想死....
- 相煎何太急 一直都想記錄低最近一段時間管教正正的問題. 很多朋友都會問: “你錫正正多點還是錫喆喆多點?” 我常說,當然是正正!正正是老大,...
- 三個欣賞 最近我們又再舉行三個欣賞活動. 每晚睡覺前, 爸爸媽媽都會分別講述今日最欣賞小朋友的三件事. 本來這些小活動是用來建立小朋友的自信,...
- 爆旋陀螺 今日去正正同學仔生日會, 眼見個個小朋友都係度玩爆旋陀螺, 就連主人家壽星仔都特別講明要大家帶私伙陀螺泥比併. 由於正正來都冇講過話要買爆旋陀螺,...