爸爸放暑假 – 深圳中心書城
Posted under: 爸爸放暑假第二日，因為正正考Mover試成績唔錯，一早應承左佢爸爸放假會陪佢去深圳買書同食自助餐。
雖然好多雜誌介紹深圳D自助餐點抵食點平，但係我始終都係果句，一分錢一分貨，對一百幾十既任食任飲既自助餐有D介心，
係點評網搵呀搵，結果都係去左千味涮打邊爐。反正翁正大少爺都係志在玩下，食D佢未食過既野佢就好開心。
近年都轉向網上訂書，其中重要原因係深圳中心書城實在太大，大到我每次都冇心機行，因為行足成日都可以仲係兒童圖書部，好辛苦！
係咁意係左一堆書同DVD，放左係收銀，趁飯口前去食野先。
兩仔爺先叫左個三人餐，雜菇湯底, 另外又多叫左一碟牛肉，一碟雜肉丸, 紅薯粉條，鮮腐皮，再叫多碟菜，王老吉，青島各一，如果唔係要湊仔，一定再叫二兩裝鍋頭。我地餓鬼投胎既食相嚇得其他食客目瞪口呆。